Bledar Devolli ka nisur dje punën në Krujë dhe trajneri e ka të vështirë pasi skuadra ka pasur shumë largime. “Do të bëjmë 4-5 ekipe që të ndërtojmë një ekip konkurrues. Me punën e mirë që do të bëjmë, besoj se do të dalim nga kjo situatë. Shpresoj shumë që të realizojmë mbylljen me 90% të skuadrës”. Ndërkohë, Devolli e stafi i tij kanë nisur menjëherë nga puna, ndërsa bëhet e ditur se në Krujë tashmë po mendohet shumë edhe çështja e portës.
Elson Demi duket gjithnjë e më afër. Ndërsa, në radhët e skuadrës krutane janë duke menduar edhe për të afruar ish-portierin e Bylisit të sezonit të shkuar, serbin Stefan Xhorxheviç. Ky i fundit ishte titullarë në Ballsh gjatë sezonit të shkuar aty ku edhe spikati me formën e tij, ndërsa së fundmi ka luajtur në Gjermani, në ligat e ulëta.